政情：關愛基金籌款慘過乞米

港府以扶老助弱為名成立關愛基金，向商界募捐五十億元，實際上就係想推卸紓解民困嘅責任，做法同啲不法之徒假扮出家人周街募捐相差無幾，欺騙香港人嘅善心。不過，唔係個個商界大孖沙都咁順攤肯捐錢，搞到負責籌款嘅政務司司長唐英年同民政事務局局長曾德成，至今只籌得六億幾現款，就算計埋分期付款捐助亦只得十八億元，睇怕呢單蘇州屎最終都係要用公帑填氹。