過江女神：加價有理 服務好到痹

小人之心

早前馬交嗰邊都受高通脹影響，激發五一上街遊行，同樣喺澳門工作嘅利×夜總會PR草莓就表示，誓為基層爭取福利，所以要企出嚟喎！查實最低工資係多係少都同阿妹無關，事關阿妹嘅工作性質屬即日出糧，鍾意隨時休息又得，咁你企出嚟為乜先？「你咁講就唔啱喇，要知道基層打工仔生活艱苦，需要大家幫忙，好明顯我係睇唔過眼至企出嚟，即使我自己冇份受惠都在所不計！」草莓講得輕鬆，查實佢咁落力為民請命，講到底都係想多啲人受惠後，可以過嚟搵你Happy，帶旺當地夜遊業經濟？「你呢啲叫小人之心，雖然打工仔收入提高，對我哋服務性行業有幫助，之不過基層要去Happy都唔會搵我哋呢類高消費玩意，頂多都係骨場受惠，PR好難有着數！」

社會和諧

若然草莓所言非虛，咁阿妹真係偉大囉！可惜實情係有私心，皆因阿妹認為，既然基層打工仔都有人工加，作為服務性行業理應有打賞。草莓解釋：「有人工加大家Happy，最陰功係我哋夜遊界多年未有提升價格，相反服務質素就每日不斷提升，咁你話係咪好唔公平先？所以我希望由今日起，每次過嚟尋開心嘅朋友，都要高抬貴手，幫吓我哋呢班連最低工資都冇嘅PR，咁社會自然和諧得多囉！」哈，連PR都嗌加薪，呢勻真係乜都加囉！

放大圖片	阿妹認為馬交夜遊業服務質素高，奈何員工收入偏低，會打擊士氣！

草莓 Profile

三圍：34-24-33

身高：5呎4吋

撰文：祖

攝影：章