陳學殷犯錯 母自責盼振作

瞞外孫：媽咪去咗讀書

陳母眼看女兒鋃鐺入獄，孫兒又失去母親照顧，她日夜盼望的，就是今年九月學殷刑滿出獄，一家團聚。學殷的兒子已經四歲半，常似懂非懂地問「媽咪去咗邊？」「我話媽咪去咗讀書，九月先返屋企。」可是孫兒一句話，又令陳母心酸，「佢話，婆婆，點解老師喺學校可以打電話畀婆婆，點解我唔可以打畀媽咪？」說到這裏，陳母忍不住抽泣：「我好心噏，惟有呃住佢，話學校唔畀，媽咪好快就返。」

從小到大，孝順的學殷都會在節日親手製作賀卡或禮物送給父母，去年母親節，她便設計了一條頸鏈送給陳母，但到了父親節，學殷已被羈押。學殷自責、內疚，自覺無面見父親，後陳父主動到獄中探望，那一刻，學殷崩潰了，「佢喊得好緊要，話自己對唔住爸爸，其實我哋知個女有心，父母點會嫌棄佢？最重要以後一家人齊齊整整。」

陳母哽咽說，學殷太單純，太易相信別人，又自責身為父母也有責任。說到學殷的丈夫，陳母卻有點冷淡：「佢話會等學殷出嚟重新開始。」

陳學殷每星期都會寫信回家，並畫上各款卡通公仔，氹兒子開心。（朱先儒攝）

陳學殷兒子繪畫母親節卡，希望媽媽每天都見到自己，下款題字則由陳母所寫。