照明路燈不足，位於郊區小村道路因而變得危機四伏。經常到西貢遠足的陳先生發現，南邊圍路後段至水口村的路燈嚴重不足，「我有問過啲村民，佢哋都話夜晚寧願兜遠啲都唔行呢條路，覺得好危險！」
路政署發言人表示，曾派員到場視察及評估照明狀況，發現上述路段存在可改善空間，有關照明改善工程會盡快展開，預計工程將於今年年底前完成。
西貢區區議員方國珊力斥政府未有重視鄉郊的配套發展，現有調撥的資源亦極為不足，令多種改善工程展開無期，「唔止係路燈，好多鄉郊嘅路面同疏水一直都冇做過改善工程。」方又指不少鄉村寧願自資維修，但部分工程質素參差，效果經常未如理想，促政府正視鄉郊發展，改善民生。