中環出更:楊孝華四圍歎世界

退休生活最開心!前旅遊界立法會議員楊孝華(Howard)告別政壇後,盡情享受人生,經常同家人外遊玩樂。卓妮日前喺中環遮打道通往天星碼頭條隧道巧遇Howard,講起早前日本地震,原來事發時佢同家人正身在北海道滑雪,呢幾日又出發到雲南旅遊,遲啲仲會飛過美國玩番夠本,生活認真寫意。Howard同卓妮打完招呼後,發現自己右腳鞋帶鬆咗,即時戙高隻腳到欄杆、彎低身綁鞋帶,柔韌度十足。(霍振鋒攝)

Money18免費即秒股票報價網站現推出8升級功能,財經資訊,實時實發!