探射燈：毒海淹沒中港台娛圈

本港藝人莫少聰及孫興在北京涉嫌吸毒被捕，震動娛樂圈，更令圈內毒網浮面，今次事件僅屬冰山一角，其實中、港、台三地演藝界，早已被毒害「攻陷」，無論是一線明星，在藝海浮沉的暗星，還是初入行的新星，不少為了埋堆或扮有型而陷入毒海，近年便屢有藝人因吸毒被捕。由於中、港、台三地刑罰差異，港星有見中、台司法機關，對涉及毒品案的判刑較本港嚴苛，所以近年紛紛留港「食雞髀（大麻）、飲可樂（可卡因）」，他們不但吸毒，部分更被毒品拆家拉攏做「腳」，協助派貨。

孫興

「不少歌星、影星，就算紅唔紅都係咁食（吸毒），藝人揩嘢衰咗（吸毒被捕），喺圈中並不是甚麼奇聞，大家都心照，惟有自己小心啲！」一名圈中人向記者指出，娛樂圈吸毒情況並不罕見，而吸毒的其中一個原因，就是為了埋堆。「不少人剛出道時，為咗搵『碼頭泊』，就算被要求吸毒，都唔敢推，明知毒品都要試！」

法例較鬆寧願留港蒲

消息稱，藝人近期鍾愛吸食俗稱「霹靂可樂」的「熟可卡因」，它是將可卡因煮成泥膠狀，再放入香煙吸食。一名出道數年的藝人直指，點解要食「霹靂可樂」，全因覺得夠型「夠Chok」，他說：「將『可樂』塞入香煙，一人一啖，都幾型架，總好過食生可卡因要用鼻索，搞到成鼻粉，有時新朋友（指剛出道藝人）見我哋食完個樣真好high，佢哋又會整啖試吓，好快就friend咗啦！」

亦有二、三線藝人為博上位而埋堆，以為「黐實」啲阿哥阿姐會有着數，所以甘願為奴為婢，做跑腿買貨。另一名藝人更透露，有人就算唔食（毒品），也會利用知名度做拆家派貨，乘機「搵一筆」，「因為藝人向圈中人買貨會覺得安全啲，唔怕被老黑拆家勒索，所以每滴『可樂』畀多兩、三百蚊都冇所謂。（一滴『可樂』平均售價八百至千一元）」

至於近年因涉毒或吸毒被拘捕及遭檢控的藝人，起碼有數十人，最廣為人知的，首推關楚耀及衞詩在日本藏毒被捕事件。此外，蘇永康及安雅在○二年，於台灣流連夜場時，因藏有搖頭丸被捕，二人被送到戒毒所戒毒，其中蘇永康被判在台北看守所接受戒毒，十一天後獲釋。一名藝人說，「以前會有藝人拉隊到北京、上海嘅大場搞迷幻派對，直至近年內地嚴打，及蘇永康事件令到吸毒藝人唔敢喺台灣、上海及北京等地玩，一來佢哋唔想喺異地坐監，二來香港以往啲case，都係判感化、做吓社會服務令，連戒毒所都唔使入，所以梗係選擇留喺本港『食雞髀』（大麻）、『飲可樂』（可卡因），拉咗都唔使坐（監）。」近年香港開了多間有各類毒品供應的鐵竇，由於實行會員制兼要熟人介紹，成為吸毒藝人的蒲點。

冰毒（茄）	可卡因（可樂）	搖頭丸（fing頭）
大麻（雞髀）	校園吸毒情況嚴重，前年開始於大埔區進行校園驗毒試驗計劃。