政情：艾未未塗鴉殺入新界

過去兩星期，內地維權藝術家艾未未嘅噴漆塗鴉喺香港開枝散葉，港九各地都可以搵到艾未未嘅蹤影，尋日仲進軍新界區。有人喺荃灣發現艾未未塗鴉噴漆，仲要係喺港鐵站、大會堂附近呢啲當眼位置，連新界都出現埋，唔知下次會去邊呢？唔知遲啲會唔會現身埋警署或禮賓府添，警方到依家對捉拿塗鴉者茫無頭緒，即使拉到人，相信會再掀起另一場政治風波。