荒廢學校土地久遲遲未規劃新用途，惹來不法之徒非法使用。繼早前本報曾報道粉嶺荒校被非法建屋後，大埔汀角路已荒廢的余東旋學校再被揭發有人非法傾倒泥頭。李先生近日發現上址門鎖被剪斷，隨即有人在內傾倒泥頭，「之前同過大埔地政處投訴，佢哋（地政處）只係換咗個鎖，朝朝早都仲見到有人用鎖匙開門入去倒泥頭！」
地政署發言人承認，經實地視察後發現上址門鎖被破壞，並有傾倒泥頭活動。由於上址為政府土地，當局已隨即更換門鎖，並着承辦商清理泥頭。
大埔區議員譚榮勳批評地政署遲遲未為荒校重訂用途，令非法佔用情況不時發生，「嗰啲荒校本身設施咁齊，好適合做社區設施，但依家就搞到日久失修，仲畀人攞嚟倒泥頭，地政署都唔肯做嘢，講嚟講去咪就官僚囉！」譚直指區議會過去曾多次建議地政署盡快把荒校重新規劃，促當局正視問題。