天橋公用 小業主啃保養

居於沙田中心的梁女士指屋苑有多條天橋分別接駁好運中心、沙田廣場及沙田公園，其中一條天橋更為連接瀝源邨與禾輋邨的主要通道之一，變相「私器公用」，「呢幾條橋個個都行得，仲要開足廿四小時，但係維修保養費就加埋落管理費度，政府擺明蝦我哋啲小業主啫！」

當區區議員衞慶祥坦言，近年接獲多名屋苑居民查詢天橋維修責任問題，「啲居民問管理費係咪包埋天橋維修保養，不過有啲仲唔知一直畀緊錢！」衞曾於沙田區議會上向沙田地政處提問，獲覆連接沙田巿中心各屋苑共有十六條高架行人天橋，全數均由屋苑地段持有人負責興建、維修甚至保養，衞質疑政府「卸得就卸」，「唔使起橋已經慳一筆，仲要將維修保養責任推畀發展商同小業主，一啲都唔公平！」

「地契規定」作藉口懶理

其中一個有份負責興建上述天橋的發展商發言人承認，單以沙田中心而言，按照公契規定，其中五條行人天橋均為屋苑公用地方，須由所有業主（包括住宅及商場）負責維修保養。

路政署發言人回應查詢時，僅以上述多條行人天橋並非該署轄下設施作覆。地政署發言人則證實，根據沙田市中心各屋苑的地契條款顯示，各屋苑地段持有人須負責維修保養天橋，並開放予公眾使用。

「當年政府淨係諗點樣慳皮，到咗依家就用地契塞住人哋把口，點解唔可以檢討吓？」立法會議員民政事務委員會委員陳淑莊狠批政府只顧「諗縮數」，完全罔顧小業主之權利。

她促政策局重新檢討有關政策，更指日後如有類似屋苑的公用設施，可考慮以公帑興建，而非將維修責任推在發展商或小業主身上。

記者 林綺淇