人手控制交通頻釀塞車
大埔林錦公路渠務工程施工連年，引致經常塞車，居民無不怨聲載道。坑下莆村居民何小姐反映，原屬雙線雙程行車的林錦公路其中一條行車線因施工封閉，施工路段更由於人手控制交通而不時出現大塞車，「坑下莆有個路口，成日都有啲車轉出林錦公路，但係因為人手轉唔切，結果搞到車頂車，全部冇得行！」
渠務署發言人表示，該署由○九年二月開始，在林錦公路介乎較寮下至白牛石分段進行鋪設污水幹渠工程，預計今年年底至明年年底分階段完成。至於較寮下至坑下莆的工程，預計可於今年八月完成。
「渠務署話成條林錦公路工程分期進行，但其實坑下莆呢段都係『分期進行』，總之就整極唔完！」何小姐指有關路段工程每隔兩個星期施工一次，完成數天工程後雖恢復通車，惟未幾又再施工，不滿渠務署工程沒完沒了。何要求渠務署盡快完成施工，減低對居民造成滋擾。