食署職員打牙骹懶執法
官地被店舖長期霸佔，食物環境衞生署束手無策！盧小姐不時途經大圍積輝街街市，發現上址一條後巷常被店舖非法佔用，令上址環境衞生變得惡劣。盧曾向食環署投訴，當局不但對霸佔官地一事視若無睹，對市民投訴亦置若罔聞。「食環署係有人嚟巡，但只係企喺度打牙骹，離晒譜！」
食環署發言人表示，一向關注上址一帶店舖非法擴展營業引致阻街情況，在接獲本報轉介後隨即派員巡察，發現有店舖佔用公眾地方造成阻塞，遂向有關負責人提出六宗檢控，更有定期清洗街道。
「我都親眼見過食環署淨係戙個人喺度，完全唔會行埋去做嘢！」沙田區區議員鄧永昌狠批食環署有法不執，等同縱容店舖阻街，又指間中檢控對違法者未有阻嚇作用，更只會當作「交貴啲租」而繼續阻街。