政情：周一鑊起龕場搵區會擋箭

食物及衞生局局長周一嶽尋日公布最後六個公營骨灰龕選址，仲搵十八區區議會正、副主席做爛頭蟀擋箭，聲言六個選址獲大部分主席支持。如果周一鑊以為班區會主席可以幫佢順利過關，就真係太天真太傻嘞，事關佢稍後落區議會做諮詢，先至係真正戰場，加上區選臨近，各黨派為選票肯定反對到底，淨係尋日已經有九龍城區議員反對喺紅磡起骨灰龕，睇嚟周一鑊將會再被射到周身箭。