原來田二少間公司一向以休息日無薪方式計算員工嘅超時補水，即係將員工月薪除以每月嘅實際工作日數（二十六日）同每日標準工作時數（九個鐘），但若果港府規定員工休息日要有薪嘅話，佢就要將原本用作計算嘅每月二十六日轉為三十日，令員工最後獲得嘅補水金額減少，肯定會「媽媽聲」。
田二少指，最低工資本應只影響清潔同保安等少數行業，如今喺有薪休息日嘅爭議上，卻影響晒各行各業嘅所有僱主僱員，真係好離譜。佢建議港府唔好硬性規定員工休息日應該有薪定冇薪，並希望所有僱主都按住原有方式處理補水問題，唔好衰過以前，以保障員工。