中環出更：利子厚放假遊獅城覓食

今日開始連續四日復活節假期，唔少人都外遊叉叉電。好似馬會大董利子厚就約定一大班好朋友，去新加坡玩足四日，除咗遊覽著名景點及賭場外，仲會大歎咖喱蟹及海南雞飯。獅城各方面都係香港嘅頭號競爭對手，依家連利大董都被吸引埋，香港嘅美食天堂地位豈不是岌岌可危？利大董話唔使怕，事關兩地美食各有千秋，佢只係欣賞獅城嘅特色食品喎。
利子厚對香港美食有信心，唔擔心被新加坡搶去「美食天堂」稱號。 （徐家浩攝）
利子厚對香港美食有信心，唔擔心被新加坡搶去「美食天堂」稱號。 （徐家浩攝）

胡曉明馬場享天倫

至於香港專業及資深行政人員協會會長胡曉明（Herman）夫婦，呢幾日紅假就唔會出門，事關佢嘅囝囝胡正忠放假返港，所以要做廿四孝爸媽陪伴囝囝去玩，前日一家三口仲入咗快活谷馬場湊熱鬧添！胡正忠現時喺美國約翰霍金大學研究院修讀生物科技，佢自幼就熱愛生物科技，所以Herman都想囝囝將來成為科學家。Herman生意業務種類繁多，如果佢囝囝做埋科學家，唔知會否幫佢增加多一項生意門路呢？

胡曉明夫婦（右及中）帶埋囝囝胡正忠（左）入馬場，既消遣又可樂享天倫。
  • 胡曉明夫婦（右及中）帶埋囝囝胡正忠（左）入馬場，既消遣又可樂享天倫。

Money18免費即秒股票報價網站現推出8升級功能，財經資訊，實時實發！