醫院排板字體潦草，導致檢查左右難分！張先生早前向威爾斯醫院急症室求診，接受X光檢查時，發現病歷排板錯寫受傷位置，「我明明整親隻左手，但X光師竟然叫我伸隻右手出嚟照！」幸張及時更正放射師受傷位置為左手才不致出錯，「X光師話可能排板搞錯喎，咁大間醫院有咩理由咁兒戲！」
對於病歷排板懷疑出錯一事，威院發言人未有正面回應，僅承認醫生在病歷紀錄上的字體「較潦草」，重申為審慎起見，放射師會在安排X光檢查前核實病人受傷位置。
病人互助組織聯盟主席曾建平亦認為部份醫生字體較難辨認，「有時寫嘅同睇嘅都會係有出入！」曾又稱，現時公立醫院前線醫護人手嚴重不足，坦言不排除事件涉及人為疏忽，「所以無論係寫定係睇嘅都要格外小心！」曾建議當局將電腦病歷系統引入急症室，盡量避免類似錯誤再度發生。