投訴：啟田道違泊阻乘客上落
違例泊車長期霸佔街道，阻礙乘客上落。藍田居民阿喜指出，平田商場對出一段啟田道常有車輛違規停泊，一般車輛甚至的士亦無法上落，「朝朝早都泊兩、三架車喺度，想搵個位上落都唔得！」
警方發言人表示，接獲轉介後曾派員巡查，證實上址有車輛違例停泊，已即時向違規司機發出告票。發言人稱會密切留意上址情況，打擊車輛違例停泊。
「嗰度閒閒哋都會有兩、三架車泊喺度，根本就係死症！」當區區議員簡銘東稱，曾接獲不少居民投訴上址長期有車輛違例停泊，簡曾就上址違泊情況向警方反映，結果證明單靠抄牌不足阻嚇違規者，「始終唔可以長期放個警察喺度抄牌﹗」簡認為上址禁區劃線有欠清晰，容易令司機誤會，建議將上址劃為「黃色影線區」，禁止車輛停泊等候，「應該棟個牌講清楚嗰度只可以上落客，唔好令司機誤會啦﹗」