港珠澳大橋嘅環評被高等法院裁定違規，理應負責嘅環境局局長邱騰華，就飛咗去北京同國家核安全局交流避風頭。不過，避得一時唔避得一世，邱騰華尋日身在北京都被傳媒追問事件，點知佢繼續死撐兼卸膊，話環評要交環保署署長及環境諮詢委員會審核，所以評估過程嚴謹。
法庭判咗違規，即係環評唔夠嚴謹啦，一旦上訴仲要浪費公帑打官司，難為佢仲講得出「嚴謹」兩個字呀。
