究竟市民有幾憎特區政府？睇睇最新民意調查就知，煲呔曾、政務司司長唐英年及財爺鬍鬚曾齊齊跌破民望低位，到達神憎鬼厭嘅地步。
其實先有鬍鬚曾炮製「史上最廢」財政預算案，唐唐又喺人口政策歎慢板搞到婦產科壓力爆煲，總之高官做嗰樣衰嗰樣，搞到民怨沸騰。如果政府再唔認真檢討問題所在，唔單止高官民望繼續跌，更可能引發市民蜂擁上街都有之。