政情：范太暗批梁展文累街坊

前房屋及規劃地政局常秘梁展文，喺三年高官離職就業「冷河期」過後，與新世界有關連嘅公司再續前緣，再次引起社會嘩然，質疑係咪有需要進一步延長「冷河期」。但全國人大常委范徐麗泰尋日就表明唔贊成延長「冷河期」，強調大部分退休公務員都能夠避免利益衝突，仲話個別人為咗自己利益所做嘅嘢，完全係個人自律嘅問題，暗批梁展文唔自律連累其他循規蹈矩嘅退休高官。