法庭：內地夫婦手機盜錄三級片

報稱商人的男被告王滿華（卅四歲）及報稱財務總監的女被告周結紅（卅二歲），均持內地旅遊簽證來港，案情指二人在本月十四日下午二時多，於九龍塘又一城ＡＭＣ戲院的六號院內，無合法授權而管有手提電話作攝錄器材，偷拍上述的三級電影。

兩被告昨以純正廣東話自行求情，指二人是夫婦在內地營商，男被告懇請法庭不要沒收手機，他指：「可以罰多啲錢，裏面有好多好緊要嘅嘢，銀行戶口號碼嗰啲」，女被告則指「短訊有仔仔嘅功課，我哋大陸啲學校要用短訊交功課」。惟裁判官回應：「呢頭（手機）入阿仔功課，嗰頭入三級片，會唔會畀個仔睇睇吓功課時㩒吓㩒吓出埋套三級片？」又指戲院內外甚至開場後，均有明確指示不能盜錄，又指「就算唔知咪唔好做囉！」

充公二人手機各罰二千

男被告回應指因遲入場沒看到告示，又自稱在港「無衝紅燈無丟垃圾，好守法」，裁判官再駁斥：「有啲嘢返唔到轉頭㗎，明唔明？我都去過內地睇戲啦，都無人提我，我都唔會盜錄啦！」裁判官最終只准二人可向海關申請抄回手機內重要資料，並直言：「我已經做到最大程度，咁樣令海關額外多咗工作」，但二人仍鍥而不捨要求取回手機。裁判官遂厲言：「點解咁長氣？案例係要充公，要同社會大眾交代，要你哋得到教訓！」被判各罰二千元的兩名被告，離庭時臉露不悅，當發現有記者拍照時，男被告伸手阻擋鏡頭並拔足狂奔，女被告拋下丈夫獨自乘的士絕塵而去。

案件編號：KTCC 1980/2011