東方屢遭打壓 政界忿忿不平 好人冇好報「唔使上訴啦」
【本報訊】東方報業集團好心冇好報，一直被不同的官司纏擾，並且遭到不公平對待，但是仍堅持據理力爭，不過港區全國政協委員劉夢熊認為只會徒勞無功，直指「預咗（官司）係咁嘅結果」，力勸東方不要上訴，因為最終都是費時耗財，然後得不到合理結果；城市大學專業進修學院學術統籌宋立功則力挺東方爭取到底，繼續上訴，捍衞公義。
「唔使上訴啦，你都輸梗架啦，你哋（東方）唔好再搞啦，三番四次打官司都係咁，贏官司輸訟費，你哋（東方）都係爭取唔到（公道）架啦，好人係冇好報嘅！」劉夢熊痛心疾首地說。
「反中亂港先有運行」
他認為：「九七香港只是主權回歸，唔覺治權已經回歸！」他嘆道：「愛國有乜用啊，反中亂港先至有運行，所以唔好愛國，第日再見到香港拉登呢類事件千祈唔好理，唔係就隨時好似趙連海咁嘅下場！」他更提醒東方：「依家連大陸網、大陸官網都插埋隻腳落嚟誹謗你哋啦。」
宋立功認為，打官司須有財力支持，若非東方實力雄厚，根本無法承擔巨額的司法費用，為自己討回公道。他認為，東方應該挺身維護法紀，以免助長歪風。