政情：大輝阿Q牙痛當修煉

大輝牙痛成個禮拜，痛楚有增無減，令佢連電話都唔想聽，匿埋屋企做「宅男」，唔知嘅，仲以為佢患咗怪病。不過，大輝腦袋仍然精靈，馬上回短訊多謝好友，仲趁機講佛偈，將上述短訊語句傳送畀朋友。大輝話，只要將心念一轉，牙痛都係修煉身心嘅好契機，呢番話充滿禪味，真係少啲慧根都聽唔明。

熟悉大輝嘅人都知道，佢無宗教信仰，但閒來喜歡鑽研佛學，尤其欣賞已仙遊嘅台灣一代佛教宗師聖嚴法師，不時將寫上法師真言嘅書籤送贈朋友。今次喺病榻中以佛家智慧安慰自己，相信做師傅嘅聖嚴法師在天之靈都感到安慰喇。