早幾年本港樓市急跌，港府被迫取消定期賣地以減少土地供應，改行勾地表制度。近年樓市狂升，港府又變招主動加推土地拍賣，但發展局局長林鄭月娥尋日點都唔肯承認修訂咗賣地政策，話只係主動賣地而唔係定期賣地，同勾地表制度雙軌並行。
想當年港府轉軚取消八萬五政策，當時嘅房屋局局長黃星華都一度死撐八萬五仲存在，最後又係衰咗，奉勸林鄭前車可鑑。
