投訴：垃圾桶常滿食署引人犯罪
沙田怡成坊食肆林立，垃圾桶則長期滿瀉，食物環境衞生署被指「引人犯罪」！林小姐不時到怡成坊品茗，每次步出酒樓均發現垃圾桶滿瀉，旁邊更有「大包細包」垃圾，衞生情況惡劣。
「法例好似話垃圾一定要放喺垃圾桶，即使包好放喺隔籬都要罰錢，依家成日滿晒都唔清，分明就係想引人犯罪然後收罰款！」林要求食環署做好公眾衞生工作，勿帶頭影響市容。
「明知呢度咁多食肆、仲係垃圾黑點，就應該密啲派人手嚟清理！」沙田區區議員梁志偉直斥食環署未有盡力保持上址環境衞生，擔心夏天來臨時垃圾堆或成細菌溫床，促盡快正視問題。
食環署發言人表示，該署每日派員清理上址一帶垃圾桶最少三次，接獲本報查詢後亦曾派員視察，但發現上址一帶衞生情況滿意。