前列腺增生損腎功能

「一晚屙三、四次夜尿，屙極都屙唔清，出街要搵定廁所喺邊？」今年七十歲的鄭先生受前列腺增生困擾長達十幾年，曾服用放鬆前列腺肌肉藥物，但未能控制病情，至去年有一晚「屙唔到尿」，初時誤以為飲大量開水有助排尿，最後忍無可忍要入院插喉放尿，才診斷出病情惡化，致腎功能受損。

鄭先生去年底接受嶄新的等離子氣化手術，切除增生組織後，解決了排尿困難，他說：「手術後小便好暢通，好似水喉塞咗，依家通番」。另一名八十歲病人鍾先生，兩年前起有多夜尿問題，去年中突然因未能排尿入院，插尿喉竟排出多達兩公升小便，致腎功能受影響，他接受等離子氣化手術後，排尿問題獲改善。

前列腺位於膀胱之下，包圍着尿道，六十五歲或以上男性，逾半數有前列腺增生引致的排尿困難，七十歲男性更有七成人有此問題。醫學界估計增生為老化現象，亦有指賀爾蒙變化、多吃紅肉是原因。葉維晉稱，過往較多六十歲以上病人，現今有年輕化趨勢，其中五十歲男病人比例由廿年前的百分之五，增至目前多達兩成。

「栗子」.變「布冧」壓迫尿道

因該病無即時危險，不少男性都忽視徵狀。葉形容，正常前列腺如栗子般大，重量約二十克，增生後膨脹如一個重一百二十克布冧，壓迫尿道，以致排尿困難，出現尿頻、尿瀦留、血尿等徵狀，嚴重可致膀胱炎、尿道炎，甚至尿液倒流，破壞腎功能。有三成病人要做手術切除增生組織，其他靠藥物治療或觀察。

葉醫生說：「前列腺病人好辛苦，成晚夜尿搞到瞓唔到，唔敢搭長途巴士同去旅行，有時膀胱谷到叫救命，但屙唔出，行商場要搵定廁所喺邊，對生活有好大困擾」。他呼籲患者求醫，盡早消除男人最痛。

前列腺增生徵狀

尿頻、尿痛

排尿困難

排尿中斷

尿瀦留（無法排清膀胱的尿液）

排尿疼痛或燒灼感

痛性射精

血尿

頻繁腰部、臀部及大腿疼痛

資料來源：廣華醫院外科部主管葉維晉

記者 梁麗兒