政情：黎以德辣慶屯門區議員

雖然政府向來唔多重視區議會，但班區議員都好忍得，退一步建議可親身到運輸署總部同黎以德開會，但結果又遭拒絕，最後改為喺尋日召開區議會特別會議討論。不過，黎以德只派一名總運輸主任出席就算，結果惹怒全體議員杯葛會議，並譴責黎以德不尊重、不禮貌同不專業回應區議會及市民嘅訴求。

區議員陳雲生話，屯門巴士轉乘站啟用亦有好多問題，如未能喺十月前，即今屆區議會停止運作前解決，受害嘅始終係普羅市民。