本報接到投訴，投資推廣署舊年九月發出一份有關外地畫廊喺香港開業嘅新聞稿，稿上提及助理署長戴威士個名，但係篇稿講講吓，又提及到一個人叫做戴維斯，戴威士個名喺同一篇稿竟然出現咗兩個版本。根據前文後理，講緊嘅肯定係同一個人，呢個人原名係Andrew Davis，但就出現兩個譯名。投資推廣署連自己老細個名都寫錯，作為面向國際嘅部門，真係要檢討下。
政府新聞處仲未知錯
最搞笑嘅係，負責代為將稿發畀傳媒嘅政府新聞處亦審稿不嚴，冇發現錯處就發放咗呢段稿。我哋尋日上政府新聞處網站，發現呢段稿仍然喺度，反而喺投資推廣署網站就再搵唔到喇，唔通佢哋一早收到投訴已經刪走咗段稿，但又唔通知新聞處？