本案控方案情提及女事主的銀行戶口有多次提取紀錄，並涉及不同款額，但卻未能解釋控方最終如何得出事主被盜取的款項為十五萬八千元。主審裁判官沈小民亦不禁提出疑問，但他花了逾半小時反覆詢問主控官，仍得不到明確解釋，他坦言：「如果我做主控就會問清楚呢啲問題，做個流程表畀法庭理解，將表面繁複嘅事簡單表述出嚟……，呢啲你應該熟晒㗎啦，做主控唔難，你用個心去做啦！」
沈小民昨聽畢控辯雙方案情後，未有如一般情況即時作出表證成立與否的裁決，反而花了逾半小時質問主控官未能清晰交代控方案情，連如何得出盜款金額亦沒解釋。他要求主控重新交代案情，包括：「初初話係幫事主保管住啲錢，之後又變成幫事主畀律師費，究竟被告喺咩情況管理事主嘅錢？啲錢有咩用途？所謂授權管理財產，又有無限制？所有嘢、每條數都要清清楚楚。」
主控官被一輪「質詢」後指，被告涉嫌從事主個人戶口提取卅萬元後，其中十四萬多用作律師費及保險費，餘下十五萬八千多元卻沒法解釋去向，因而被控盜取上述餘款，而其他案情細節則留待本周五解釋。
本報記者