同食阿一鮑魚曾無錢埋單
【本報訊】亞洲女首富與窮小子談戀愛，有時亦因為錢鬧笑話。陳振聰憶述他與小甜甜初遇的奇聞軼事，他強調二人相處時很少談「錢」，而小甜甜對錢無概念，九二年兩人到阿一鮑魚撐枱腳，本來小甜甜請客，但忘帶錢，陳振聰自告奮勇出去「籌錢」埋單解圍。但到了小甜甜整袋整袋錢送給陳振聰，陳振聰深夜搬錢的感覺如何？他說，晚上並非神秘，因為他只在晚上見龔如心，而尖沙咀出名多警察Road Block，最驚被截查拉番警署累龔如心出面認頭，為諗計搬錢「人都癲」。
陳振聰憶述，他所知道的龔如心對錢無概念，生活中曾因為「錢」鬧出很多笑話。九二年兩人初相識，「決定去試吓食阿一鮑魚，豈料無錢埋單，食咗幾千蚊，點知佢唔記得帶錢，又無信用卡，我又唔夠錢，嗰時我無錢，連㩒都無得㩒。」
一時間不知如何是好，「佢話唔得喎，我同你食嘢點可以call夥計呢？唔通叫『阿松』（吳崇武）咩？咁我諗無理由叫個女人出去搵錢㗎？就叫佢坐一坐，我去搞咗一輪搵啲朋友先搵到錢返去，佢都坐咗半個鐘。」
半夜搬銀紙怕警截查
吃飯沒錢埋單手忙腳亂，但身上太多現鈔亦令陳振聰非常煩惱，「Nina湊埋現金一大堆，佢有現金又要畀啲我，又唔以咁密囉，所以每次湊埋千多萬元，咁以後次次都係呢個數目。」但為何要晚上才到華懋總部搬錢走，他解釋，真相當年晚上九時後才上去見龔如心，常半夜三更才離開。他說：「龔如心話，凌晨四、五點帶住咁多錢見到路障解釋唔到，如果話係佢畀，聽日實上晒新聞！」「咁成千萬現金點解釋呢？實被帶返差館，真係人都癲！」他問龔如心，萬一遇截查時怎樣應對，她答道：「咪認囉，但盡量唔好啦，認就煩啦。」後來龔又試過吩咐警衞將錢送到陳振聰住所，他說：「咁仲揚啦！我同佢講：算啦你唔好畀我啦！」後來龔要與王廷歆打官司，才停止送現金給陳，「仲好呀，我話夠啦，唔使收（錢）仲好，我真係鬆一口氣。」他一口氣說完這個黑夜運錢的故事，攤攤手說，「其實真相好簡單！」