中環出更：悠閒周日劉慧卿單拖買牛仔褲

Emily平日快人快語，做乜都急急腳，難得星期日終於可放慢腳步。早前一個星期日晏晝四點左右，Emily現身於置地廣場三樓嘅Marina Rinaldi，但見佢啱啱買到心頭好，簽完卡就將單據攝入銀包裏面，但唔見佢帶走買咗嘅衫。Emily後來同卓妮講，佢嗰日買嘅係牛仔褲，不過由於要改，所以未能即日攞走，而佢已經唔係第一次買呢個牌子嘅牛仔褲。

Marina Rinaldi風格夠穩重

買完嘢，Emily就走到置地附近嘅港鐵站入口，仲好熟架步咁行去客務中心，估計係為八達通增值。搞掂後，見佢步履輕鬆入閘搭港鐵，應該係打道回府嘞。

成立於1980年嘅Marina Rinaldi係意大利時裝集團Max Mara Fashion Group旗下女裝品牌，Marina Rinaldi正是當年集團主席Mr. Achille Maramotti祖母嘅名字，風格成熟穩重，啱晒着嚟開工開會。

Emily為咗支持個黨，成日都着綠色衫，星期日，都可以畀佢嗰啲綠色衫休息吓喇啩。

然後去港鐵嘅客務中心，好可能係增值。

Marina Rinaldi風格成熟穩重。