探射燈：球場限制多 女棒訓練受阻

女棒隊教練區穎良控訴：「康文署限制住租用打棒球嘅節數，係咁多就咁多，即使場地冇人用都唔畀租！我哋爭取增加節數超過五年，都係毫無進展！當局又規定幾時封場養草，去年十一月亞運前就話一定要養草，遲啲都唔得，搞到女棒比賽前大半個月冇場地練習，真係好荒謬！」

缺乏配套 政府懶理

正職為屋宇裝備工程師的卓莞爾指出，大部分女棒隊隊員跟她一樣，平日都要上班，晚上才能參加集訓，但由於附近居民投訴球場射燈太光亮的問題，令球隊要早於晚上八時半結束練習。卓莞爾嘆道：「唔通我哋唔係重點運動就要受呢啲待遇？希望香港政府可以正視配套嚴重不足呢個問題！等我哋可以好好練習，為香港爭取佳績！」

對於棒球運動配套不足的問題，康文署表示，會繼續因應市民需要，尋找更多合適地點，供棒球運動之用。至於藍田晒草灣棒球場的節數限制方面，康文署稱現時棒球總會獲分配七成使用時段，其餘時段分配給足球總會、地區體育會及公眾人士使用，而署方會繼續與棒球總會磋商。

現時全港僅得藍田晒草灣場地符合國際棒球賽事規格。

卓莞爾正職為屋宇裝備工程師，上班打扮與打棒球時截然不同。