政情：談最低工資卓永興顯庸碌

港府推行最低工資立法事前未經深思熟慮，事後發出嘅僱傭指引又冇列明飯鐘同休息日係咪有薪，連累大批基層勞工畀人解約扣薪。勞工處處長卓永興尋日喺電台仲大講風涼話，聲稱僱員覺得待遇唔好可以唔撈，仲話終止咗合約僱主會補償番畀打工仔，完全無視基層勞工嘅苦況。咁又係嘅，好似卓永興呢啲庸官，居然可以升至處長級主管勞工事務，公務員嘅鐵飯碗制度真係有必要全面檢討。