探射燈：良心僱主堅持有薪飯鐘

經營咖啡室三年多的鄭德烈聘有十名員工，月薪平均八千至一萬六千元，當中只有一名初級侍應月薪七千五百元，平均時薪會低於最低工資要求的廿八元時薪。鄭指，條例實施後，該名侍應的月薪會上調至八千四百多元，但不會因此而扣減其飯鐘及休息日的薪金。他直言，每年均會向員工加薪約百分之五，為符合條例要求帶來的成本上漲只約百分之三，雖然利潤減少，但「賺唔係要賺到盡，錢係賺唔晒嘅，好應該履行企業社會責任。」

業主不介意多付管理費

鄭認為，香港僱主聯會早前刊登廣告，向僱主建議飯鐘及休息日不作受薪處理，會帶來不良影響，而當他得知有僱主削減員工的有關福利更感憤怒。他強調，員工是公司的無形資產，如給予他們應有的福利，「員工士氣好啲，人手嘅穩定高啲，可保持品質及水準，啲客畀貼士都多啲，得益嘅係僱主。」僱員Candy及Bobo亦認為，僱主不應太計較，「老闆好，員工做嘢都落力啲。」

「唔應該因為減省些少支出，拎走佢哋嘅福利，令低收入人士生活更困難，否則等如喺石頭上抽血。」新屯門中心小業主何小姐指，屋苑的業主立案法團本欲在條例實施後，將四十三名保安員的飯鐘及休息日改為無薪。她直斥，最低工資是保障員工，不可將之減少。她表示，即使將保安員的月薪由八千多元加至九千多元，業主每月只需多付十五元管理費，屋苑逾一百名業主已簽名「願意畀多少少，同做咗十幾年的保安員分享成果」。

何小姐指不應因最低工資削減員工福利。

鄭德烈（左）坦言，員工為公司工作「畀佢食吓飯、休吓息都計較，呢啲唔應該係人講嘅說話」。