東方民調：有錢派都咁混亂認真諷刺

「係用得最冇價值」

基金委員、社區組織協會主任何喜華直指，當初關愛基金成立的原意是希望協助被社會福利遺漏的基層人士，在性質上與今次大規模利用基金派錢予新移民不同。他續表示，派錢是一次性、非長遠的措施，但基金本身的工作應該是持續性，港府不應利用基金為預算案補鑊。

何強調，不反對協助低收入新移民，「但唔係用基金去做」，「基金應該協助更有迫切需要人士，依家係用得最冇價值」。

他又批評港府為挽救民望及解決政治危機，「用多幾百億派錢，但結果都可能解決唔到問題」。他又語帶諷刺說，「都未見過咁有錢嘅政府，都可以搞到咁混亂」。

另一基金委員、社福界立法會議員張國柱亦批評港府以關愛基金向新移民派錢時，設資產審查，非一視同仁，令社會再度分化。他直言，預算案派錢沒有令所有市民受惠，作永久及非永久居民之分，屬第一次分化；基金派錢再劃分低收入新移民才可受惠，便是分化再分化。

張又認為，港府利用關愛基金派錢實屬「打茅波」，「你設計時漏咗呢班人，就叫我哋去補鑊，究竟邊啲係基金應該幫嘅漏網之魚，全部都由港府自己講晒！」。