煲呔曾尋日委任電影發展局新一屆委員，煲呔針係其中一個新委員。同佢一齊新獲委任嘅，仲有年輕導演兼編劇麥曦菌、攞過香港金像獎最佳新進導演獎嘅彭浩翔、獨立電影發行公司創辦人曾麗芬及香港戲院商會理事長黃韋琪，四位都係貨真價實嘅電影業人士。不過，記憶中煲呔針只係做過印刷媒體、電台、電視同網上媒體，未聽聞佢參與過任何電影製作。
政府新聞稿就指出，原來煲呔針曾經擔任第二屆電影金像獎籌備委員會主席，真係唔講都唔記得。新聞稿又話佢擔任立法會議員期間，做過資訊科技及廣播事務委員會主席喎。今次究竟係煲呔曾知人善用、任人唯才，定係任人唯親又益自己友，真係見仁見智。