半癱鍾伯求換失靈吊機
幸福並非必然，活在困頓中的一群更明白其中真義。年逾七旬的鍾松德大半生從事體力勞動工作，在十年前的退休前夕，竟遇上意外致半身癱瘓，餘生需在輪椅上度過。遇事後醫生建議在家中設置的電動吊機因沿用多年已告失靈，倘無法籌措兩萬多元重置，鍾伯的日常生活將大受影響，希望善長能施以援手。
現年七十二歲的鍾伯與妻子居於公屋單位，除每月二千多元傷殘津貼外，兩老全賴已婚的兒子每月給予四、五千元家用維持生計，「個仔好孝順，做裝修散工收入唔多，自己又有頭家，但都好盡力照顧我哋！」子承父業，十年前鍾伯亦從事裝修行業，卻不幸在退休前一次拆卸工程中，遭塌下假天花壓倒致頸椎重創，「住咗成個月醫院，總算執番條命，但就癱咗，住咗療養院大半年先至可以返屋企！」
「冇咗部機都唔知點算好」
癱瘓後的鍾伯無法自理起居生活，簡單如上、下床亦須使用電動吊機輔助。鍾伯表示，每天睡醒後都需要由妻子協助穿妥吊帶背心，然後再使用吊機協助離床，「部吊機用咗成十年壞咗，老婆年紀又大，唔夠力抱我落床，冇咗部機都唔知點算好！」
鍾伯指更換吊機需費約二萬七千元，囿於經濟，難以負擔。
「自己一個人真係唔夠力，冇能力扶起佢！」鍾太坦言，曾嘗試自行攙扶丈夫上、下床，可惜有心無力，「真係冇晒辦法，暫時惟有靠個仔每日早晚開工前同放工後上嚟抱我，先可以上、落床！」鍾伯希望可盡快重置電動吊機，解決日常生活問題。老人家的小小心願，有賴善心人士伸出援手、助以達成。
（捐款編號：11900）
記者：徐少琴