「飯鐘無錢 最多話無良」

僱主聯會在本周初刊登的廣告，翻起滿城風雨。對於有指聯會走法律罅，本身是資深大律師的翟紹唐說：「唔可以話係走法律罅，法律上係有權咁去做，最多話佢係無良。」他認為有關做法會帶來負面影響，「係商業道德，同係咪無良僱主的問題」。

灰色地帶需澄清

他指出，政府亦知道飯鐘及休息日是未必可以解決的問題，因屬《僱傭條例》的問題或需修例解決。他認為，若現行法例存有灰色地帶，便應由政府考慮是否要作澄清，以合法方式去改變，不可輸打贏要。他預計條例實施首半年必有走法律罅情況出現，問題需交勞工處處理，自己亦會諮詢委員的意見。

翟紹唐表明，會密切留意最低工資在五月一日實施後的實際影響，而飯鐘及休息日是否受薪，對委員會訂定第二個最低工資水平的考慮會有影響，「睇吓廿八蚊出到嚟係咪真係廿八蚊，如果實際出到嚟只得十幾蚊，咁要用一個對僱員唔係咁慷慨嘅計法都計到有廿八蚊先得」。

燙手山芋首重EQ

但是他指出，委員會亦需平衡通脹對雙方影響，僱員或會因通脹而享有工資增長，他認為最低工資不可定得太高，否則有機會令中小企營運困難。他強調，第二個最低工資水平「唔知係咪一定會升」，但是會持開放態度；他亦承認，目前搜集所得的數據必會滯後，正向當局了解會否有其他更現成可靠的數據，協助訂定水平。

翟紹唐認為，最低工資可幫到低下階層人士，但如對企業的影響太大，便有機會需調低工資水平。他承認擔任低資會主席一職絕對是燙手山芋，更笑言，委員之一張仁良曾對他說：「最重要是情緒智商（EQ）」，「一邊係僱主，一邊係僱員，諗都諗到難處理，預咗唔易做」。

記者張恬怡、盧怡安