西灣河街違泊人車爭路

西灣河街一帶車多路窄,行人路更常遭違泊車輛佔用,令居民有路行不得!居於附近的阿榮不滿車房經常佔用行人路維修汽車,「啲車霸咗大半條路,冇路行就逼住行出馬路,危險都冇辦法!」阿榮指上述路段常有校巴及公共小巴駛過,但只有一條行車線,人車爭路情況嚴重;至於修車及洗車期間產生的污水及油污亦常滿布路面,市民行經無不步步為營。

「因為成段筲箕灣道都唔畀泊車,搞到西灣河街夜晚特別多違泊!」西灣河區區議員江澤濠對有關情況深表關注,建議運輸署取消整段西灣河街的咪錶泊位,將咪錶遷移至車流相對較少的填海區,解決西灣河街行人路嚴重違泊問題。

警方發言人則稱,已不時派員前往上述路段執行交通管制行動,在過去三個月曾作二十七次票控。

Money18新功能「18好路數」為你預測心水股票升跌機會率