政情：為車稅解畫邱誠武亂噏

運輸及房屋局副局長邱誠武尋日喺立法會就預算案大加汽車首次登記稅解畫，力陳私家車按年增幅高達百分之五點六，四年就會增加十萬架私家車，又話只須二千架車就足以塞爆半條彌敦道來回行車線，聽落非常嚇人。不過議員就即刻反駁，彌敦道塞車主因巴士為禍，唔係私家車！又質疑加稅反而會迫使市民買二手舊車，廢氣仲多，更加唔環保，炮轟邱副亂噏廿四同靠嚇撐加車稅。