投訴：房署驗樓兒戲新屋漏水
新建公屋竟爆出天花剝落及滲水事件，公屋質素再受質疑！入伙不足半年的九龍灣彩德邨，有住戶入伙未幾即發現天花滴水，經調查後證實上層單位遺留「一攤洗地水」，水滴經地台裂縫滲漏至下層單位，戶主要求換屋卻被列入一般調遷處理。立法會議員與區議員質疑房署驗收樓宇標準寬鬆，處事手法亦有欠人性化，要年老住戶再受輪候之苦。
鄧伯與妻子去年十月獲編配彩德邨彩信樓單位，兩口子原以為自此可安居樂業，更為新居布置一番。豈料，天花批盪不足三個月竟離奇「谷起」，現出的裂紋更足有六呎長，且有水珠不斷滲出，新購梳化亦被水滴影響至「皺皮」，「嗰日我五點幾返屋企，一開門就見到成地水，搞到成個水塘咁，有咩理由新樓會咁㗎？」鄧質疑樓宇偷工減料，認為房署收樓未有全面檢驗而累事。
「我住咗幾年有問題都話吖，係依家入伙先得三個月就搞成咁，點知聽日會唔會冧舊石屎落嚟？」鄧坦言只想與妻子在安全環境下終老，要求房署酌情換屋，苦候一個月卻換來冷淡對待，「佢哋只係當我申請普通調遷，依家係佢有問題搞成我間屋咁，我已經六十幾歲，仲要再等幾多年？」
不屬緊急類要輪隊
房署發言人表示，彩德邨彩信樓於去年落成，七月開始陸續入伙。經調查後證實，鄧先生單位滲水源於上層住戶（尚未入伙及裝修）清洗單位後未有即時清理客廳積水，加上防水膜只於浴室及廚房地台鋪設，積水遂沿混凝土地台微細裂縫滲至下層，管理處其後已進入單位清理，亦安排在上層單位進行地台裂縫修補工程。發言人又稱，已酌情批准住戶邨內調遷，但因有關申請並不列入非常緊急類別，故仍需輪候一段時間。
當區區議員陳百里認為，新建屋邨滲水凸顯房署驗收樓宇標準「兒戲」，「咁易就滲水，係咪幢樓本身質素有問題，房署應該檢查吓！」陳又指公屋戶人數眾多，影響面甚廣，收樓標準應較私人樓宇為高，「就算做唔到好過人哋（私樓），都要一樣咁嚴謹先得！」
「新屋邨一入伙就有事，好應該即刻同住戶換屋！」立法會房屋事務委員會委員陳克勤狠批房署處理事件欠缺彈性，直指滲水或需進行多次工程才能夠「斷尾」，對長者生活會造成嚴重滋擾，促房署盡快向住戶重新編配新單位，回收問題單位後亦應作出全面檢查及維修，避免再向其他市民編配「爛屋」。
廳房積水易滲漏
專業驗樓師詹濟南表示，一般樓宇只在浴室及廚房內設有防水層屬正常安排，而且任何樓宇均有機會存在「建築縫」或接駁預製組件裂縫，積水容易由裂縫滲至下層，「呢啲夾縫可以好多，房署好應該提醒住戶，喺冇防水層嘅地方唔好留有積水，避免出事！」
記者 林永發