政情：象哥甘威爭住反加車稅

預算案聲稱大加一成五車稅係為咗紓緩交通擠塞，甘威對成效有幾多打咗個大問號，所以現階段傾向反對加稅；另一邊廂，象哥亦不約而同話，今次加稅同環保政策互相矛盾，例如政府為咗鼓勵搵食車轉用環保車而提供補貼，但係私家車又無，反過來仲被政府加稅，故此亦對加稅有保留。依家十五名小組成員中，泛民同建制派比例係六比九，雙方實力相當接近，加上成員之一嘅「IQ博士」黃宜弘不在香港，泛民未必無得爭。不過兩邊嘅人都唔贊成加稅，政府可謂腹背受敵。

相比起嚟，加煙草稅雖有十四位議員加入小組委員會，不過大家有晒默契由衞生服務界代表李國麟擔任，唔似加車稅咁爭住反政府。