前立法會議員劉千石放下議員身份後生活低調，卓妮尋日下午茶時間就喺中環鬧市見佢一支公漫步去置地廣場，原來佢啱啱睇完醫生。石哥以前患過直腸癌，提起覆診都令人擔心，好彩佢話只係為咗脊椎移位求診啫。
卓妮見石哥行路速度都減慢咗，事關動作太大會感到痛楚，所以醫生都奉勸佢唔好亂咁郁，返屋企休息。卓妮希望佢早日康復！
