投訴：仁濟醫院保安當值煲劇
救急扶危，分秒必爭。每日有無數救護車進出的醫院重地，負責把守醫院停車場出入口的保安員竟疏忽職守，公然大模廝樣將保安崗位當作私人影院，以私人手提電腦「睇戲」自娛，完全忽略須肩負的開關閘口工作。關注團體直斥醫院管理局監管不力，促嚴肅正視處理，以遏歪風。
荃灣仁濟醫院除正門外，亦在仁濟街設置車輛出入口及保安亭，阿人（化名）早前竟發現，保安亭內有保安員於當值期間以手提電腦觀看電影及劇集，「開緊工都可以睇戲？唔怪得醫管局啲服務愈嚟愈差啦！」
阿人指有關保安亭常有救護車出入，擔心保安員只顧觀賞電影而影響救援工作。「醫院係救人嘅地方，分分鐘可能有救護車將病人送嚟醫院搶救，睇住閘口嘅保安員點可以坐喺度睇戲，真係離晒大譜！」
院方承認早接投訴
事實上，有關保安亭主要負責監控車輛進出，從閘口前行左轉即可抵達急症室，救護車及載有求診人士之的士駛至閘口時，保安員即會「起閘」放行，至於其他未經許可車輛，則須表明身份才獲放行，否則一概拒絕進入醫院範圍。記者了解情況時，發現亭內保安員當值期間，每遇緊急車輛駛至，即會迅速地將閘杆升起，讓車輛可迅速駛進醫院。
至於有保安員被指當值期間「睇戲」的指控，仁濟醫院發言人承認，去年曾接獲相同投訴，事件經調查後，證實有關員工於工作期間出現違規行為。管理層已對該名員工作出適當處分，並密切監察其工作表現。
須嚴正處理防重犯
「返緊工點可以用電腦睇戲，尤其喺醫院範圍，經常有救護車出入，人命攸關，一定要分秒必爭！」病人互助組織聯盟副主席張德喜直斥有關行為不可接受，促醫管局必須嚴正處理，並且加強監管員工工作，防止再有同類事件發生。
立法會民政事務委員會委員王國興亦認為，醫管局除加強管理外，亦須改善紀律管理及提高員工注意職業操守，「醫院係救人嘅地方，每個環節都好緊要！唔單止前線嘅醫護人員，連保安員都應該要盡責同有愛心！」
記者 徐少琴