中環出更：黃寧艷樂做幸福靚太
已故富商林百欣養子林建康同太太黃寧艷經常有影皆雙，係名流圈中嘅恩愛典範。卓妮日前喺個酒會見到佢哋，一貫優雅貴氣打扮嘅林太令人眼前一亮。林太着咗件黑灰色皮草背心襯黑色真皮短裙，再配埋一套色彩繽紛嘅名貴寶石耳環及戒指，幸福甜蜜盡在不言中。
林太係新加坡靚女，咪睇佢嬌柔秀氣就似係十指不沾陽春水嘅少奶奶，其實佢喺一名律師，稱得上係法律界女強人，只係婚後生咗兩個囝囝，才多咗留喺屋企相夫教子。林建康嘅生意同公務多多，又係馬場常客，林太於是順理成章做靚靚嘅「跟得夫人」。
老公成日送驚喜
講起林太對搶眼耳環，佢笑稱係老公送嘅，咁係生日定係特別節日禮物呢？林太笑得甜絲絲話，老公送嘢唔需要理由，成日都畀驚喜佢喎！林太鍾意對耳環由紅、藍寶石同埋水晶組成，色彩繽紛，但又夠晒Casual，無論着輕便服飾定係出席隆重場合皆相宜。
卓妮