受到日本地震及洩核危機影響，亞太區股市尋日全面下跌，其中港股一度大跌過千點，到收市先收窄為跌六百幾點，跌幅百分之二點八六。財政司司長鬍鬚曾喺收市後又無喇喇彈咗出嚟報道財經新聞，強調港股係好順暢同有秩序咁跌市，大家毋須恐慌。其實由民望插水式下跌、已經冇晒誠信同公信力嘅鬍鬚曾品評股市，本身就係最大嘅恐慌，鬍鬚曾氣若游絲咁出嚟報道財經新聞，都要顧吓市民感受㗎！