匪恐嚇做場大戲 向另一「老細」示警
【本報訊】警方與勒索匪徒談判的兩段電話錄音中，多番力證是張子強同黨的匪徒為求令郭家就範，更一度出言恐嚇，聲稱「仲有另一個老細，你哋唔畀唔緊要，仲有一個老細畀㗎」，恐嚇到時做場大戲「畀佢睇」，殺雞警猴以向另一個「老細」示警。但另一方面，匪徒又自稱盜亦有道，一再重申所作所為只是要郭家履行當年諾言支付「贖金尾數」四億元，又指郭家「找數」後日後若再遇敲詐，甚至可以找他們「搞掂」那些「二打六」，為求取得贖金尾數不惜軟硬兼施。
聲稱收錢即離開香港
在電話中報稱姓張、被控方指為本案首被告陳威行的匪徒，聲稱「依家我哋係攞番應得嘅嘢啫！因當初你哋話畀住……畀住六億我哋先，嗌我哋盡快畀個大仔出嚟先咁呀！」又指四億元「尾數」「數目係唔大，我哋無攞多一分一毫……我哋損失仲大，我哋損失咗五條命呀，成……成八年，你明唔明呀？」
「嗌曾蔭權做個證吖」
他更向假扮助理的高級督察吳宇凡聲稱「我哋依家收咗（錢），就雞飛狗走，永遠離開香港，我哋唔會再搞乜嘢。反而如果係你話真係有誠意幫我哋，我哋仲可以幫番你哋。你哋有咩需要唔方便出面，做咩古靈精怪嘢，可以幫到你哋。」仿似與對方傾談生意。
對於匪徒的要求，警方採取拖延策略。吳在首次通話後個多星期才再與陳聯絡。這次吳推說老闆仍要考慮，要求對方講明如何承諾不會再索錢，並試圖引對方供出有多少同黨。陳回應稱：「我哋係人格保證，憑我哋個名，已經係保證得到……幾多人你唔使知喎，咁使唔使排晒隊咁同你哋見一見？」但在吳堅拒答覆，陳漸失去耐性，質問是否要他「落去胡關李羅（郭家選用的律師行）度，大家坐喺度簽張紙吖嘛，係咪咁傻呀。」又說「嗌曾蔭權出嚟做個證吖。你問佢（郭家）想點，問吓佢鍾意點，鄧竟成又得，邊個都得！」
陳之後又降低要求，要吳答應先付兩成、即八千萬元以顯示誠意，並要吳一日內答覆。不過警方在該次通話後便即採取行動拘捕兩名被告，郭家最終並無支付分毫。