探射燈：敲鑼打鼓驅趕人鳥鬥智鬥力
漁護署建議驅趕雀鳥的方法無效，農民惟有自求多福，與餓鳥鬥智鬥力，出盡法寶減低農作物的損失。
既然餓鳥連肥料也不放過，農民下肥時便棄用灑落式，而將肥料逐一埋入泥土裏，「不過田細先可以咁做，否則要花好多時間，根本冇可能！」栽種只為自用的農民曹先生指，為了減低鳥害，他將農地一半掛滿光碟，一半則全不掛光碟，「唔掛嗰邊嘅菜畀你（雀鳥）食，千祈唔好食另一邊！」曹亦無奈自嘲種田變養雀。
另有農民陸先生別無他法，惟有成為人肉稻草人嚇走餓鳥，除賣菜的時間外，要加緊巡邏菜田，減少休息，每當看到有餓鳥偷襲，便走出菜田敲打銅鑼，「但都唔可以成日係咁，會嘈到其他村民㗎！」菜農為驅趕雀鳥而心力交瘁。