電台聽眾續鬧爆曾俊華

不少市民昨日難忍滿腔怒火，致電電台向港府「發炮」。陳太批評曾俊華出爾反爾，應該立即下台：「一路話無得改，依家就一百八十度改，呢個政府簡直（誠信）破產！」邱先生則謂：「我出嚟遊行唔係因為少咗六千蚊，同樣地，我唔會因為多咗六千蚊，影響自己對政府表達訴求嘅機會！」劉先生亦說，政府在預算案的失誤，市民應該表態，要繼續遊行抗議，他認為政府對老人、房屋、交通等問題，全部未能解決，有必要檢討施政手法。

多個網上討論區昨日繼續熱論派錢方案，有網民表示：「新移民婦女好可憐，應該畀，好過畀啲雙失mk買iphone。」另一網民則說：「18歲以下點解冇得拎6000……全港中小學生憤怒了……全港中小學生不滿財政預算案」。

此外，對於前晚開始於網上流傳的虛假派錢通告，聲稱市民可向民政署及康文署填表申領六千元，有網民信以為真稱「要$6000都要做啲嘢，記得4月1日至6月30日上網申請呀，如果過咗就蝕畀佢㗎喇。」財政司司長辦公室發言人則澄清，該張通告屬假冒，派發六千元的細節尚在商討中，暫未有正式公布。警方商罪科正跟進事件。