立法會尋日休會辯論針對公職人員嘅暴力行為，話題引來好多笑話。廠商會立法會議員林大輝發言時話，如果打人真係有用的話，佢第一個會打財經事務及庫務局局長陳家強（傻強）喎，仲要打完心口打背脊，打到佢遍體鱗傷，此話一出，全場爆笑。大輝同傻強因為內地港商扣稅安排問題已經多次開火，勢估唔到大輝憎人憎到出晒面，竟然連發言都唔放過傻強。