探射燈：實踐事業型人格 最愛做Power Point
在阿Kee身上，完全可以感受到何謂工作狂，數小時的訪問，阿Kee滿腦子是工作，喜歡數字、調查和理論，至於他有何興趣，答案出人意表。
「嘩！真係考起我……我冇乜特別興趣，最鍾意係做Power Point。」阿Kee喜歡思考，從沒一刻會靜下來，自言是九型人格中的第三型，即事業型和實踐型。退休前阿Kee每周工作七十多小時，日睡四小時，工作廿六年等如別人的四十年，他自言默默耕耘的性格受父親影響至深，「爸爸以前一年只有三日假期，每日做足十二個鐘，我一直以為工作就係要咁！從來冇諗過自己做得比別人多。」
教女不催谷 「唔使100分」
雖然慣於衝鋒陷陣，不過阿Kee的教女之道卻從不催谷學這學那，只望女兒可以快樂生活，做人哲學亦非要做到最好，「如果一百分係滿分，拎八十分已經贏人，咁就唔使拎一百分啦！」他相信，人生亦可先甜後甜。